පවුකාරිය.....

පුතේ නුඹ මා කුසයේ

හැදී වැඩී නුඹ බිහි වූ දාකට

ඇසුවොත් සුරතල් මුවින් පියාගැන

කුමක් කියන්නද එදිනට නුඹහට

දැනටමත් මා විඳවමි

ලෝකයෙන් ගැරහුම් අපමණ

කාලකණ්නිය යන නාමය

පටබැඳිලා නුඹේ මව හට

අන්ත අසරණව මා හිඳිනා කල

කලයුතු දෙයක් නොපෙනෙනා විට

මගේ කුසයම නුඹේ මලගම

සදනු කෙලෙසද ආදරේ නාමෙට

පවුකාරිය උඹ පවුකාරිය උඹ 

ලෝකයම කියාවි එකහඬින් මට

මට පවු ‍පිරේවි එදාට නම් තව

විසිකලොත් කුසයෙන් නුඹ එළියට

මට වගේම ගරු නම්බුනාම මැද

ලොවම වෙන්කරයි අවජාතක නුඹ

අවජාතකයෙක් අවජාතකයෙක්

නුඹ හට කීවොත් ඉවසම්ද කෙලෙස මම

පුතුනි අපට බැහැ ජීවත් වන්නට

කරන වැරැද්දට සමාව නැහැ මට

ලොවෙන් සැගවිලා නික්ම යන්නට

එනවද පුතුනේ මාත් සමඟ අද